Ny vydh Yeth an Werin Truru mis-Kevardhu 2016

Soweth na vedha meur anedha dhe Yeth an Werin Truru dres an misyow diwettha, ha ny vydh Yeth an Werin Truru an mis ma.

Dell usys y hwrussa bos 14ves ha 28ves an mis ma, mes ny wrug nagonan diworth an rol e-bost leverel i dhe dhos an seythun ma.

Possybl yw dydh an seythun Yeth an Werin Truru a wra chanjya y'n blydhen nowydh.

Na wra an mappa y'n post diwettha oberi (martesen na wra drefenn chanjys Google), possybl yw dh'y weles war wiasva omma, po dismygi a-dro dhe hwarvosow erell war Kalendar Kernewek.

Yma Gwerth Veur Nadelik dhe Gowsva yn Heartlands Dy' Sadorn 17ves ha Dy' Sul 18ves o 11eur bys dhe 4 eur. Oll an stokk y'n werth a vydh diskontys 10% dhe'n lyha, ha lies lyvrow a vydh diskontys 50%.  Y fydh dhe wertha ynwedh kartennow Nadelik (mar ny'ga dyghtsowgh kyns ena), sidiow, afinansow, kalenderyow ha tus ergh (dewgh ha gweles).

Nadelik Lowen dhywgh hwi oll!

Mappa Kuntellyansow Yeth an Werin gans kuntellyansow nowydh yn Lannstevan ha Kardydh!

Kalendar Kernewek

Yma gwiasva diworth MAGA Kernow, www.kalendarkernewek.com a wra dyllo kedhlow a-dro dhe lies hwarvosow a-dro dhe'n yeth kernewek, ha hwarvosow gonisogeth Kernow erell.

Heb dout y fydh hi arnowytthys moy fenowgh ages ow mappa vy.

Possybl yw usya "Google Calendar" dhe iskarga an kalendar dhe vedhelweyth kepar ha "Lightning" - an "Add-On" kalendar "Mozilla Thunderbird". Rag ensample an gevrenn ".ical" yw https://www.google.com/calendar/ical/learncornishnow%40gmail.com/public/basic.ics rag hwarvosow yeth kernewek.

Mappa Kuntellyans Yeth an Werin

Kuntellesow Yeth an Werin Kernow 2013 Genver/Hwevrer

icons

Rol Yethow an Werin ewnhys

Chanj
Ny vydh yeth an werin yn Skoryer wosa mis-Gwynngala, y fydh yeth an werin in Pons Resulyan ogas dhe Bortreth yn y le. Kestevewgh orth Ray Chubb mars eus dout dhywgh.
An keth mappa a-woeles owth oberi, an data yw ewnhys yn Fusion Table y honan.